Владата го разреши Бучковски: „Му благодариме за напорите со кои придонесе кон добрососедските односи со Бугарија“

Владата го разреши Владо Бучковски од позицијата Специјален претставник на Владата на Република Северна Македонија за Република Бугарија.

Oд Владата му заблагодарија на Бучковски за сите ангажмани и напори со кои, како што велат, придонел кон одржувањето на добрососедските и пријателските односи меѓу двете во време на предизвици кои подразбираа потреба од мудар, трпелив и посветен однос кон барањето решенија.

Се очекува, согласно разговорите меѓу премиерите на двете држави и меѓу мандатарот за премиер Ковачевски и премиерот на Бугарија Петков, двајцата нови премиери согласно заеднички утврдена методологија да ги утврдат начините, ресурсите и чекорите кон конечно решавање на отворените прашања, потпирајќи се на условите и успесите постигнати од сите чинители во досегашните процеси, велат од владината прес-служба.