пред 3 години Мексикански новинар почина откако бил застрелан во главата пред неговата куќа во северниот пограничен град Тихуана, соопштија официјални лица.
Маргарито Мартинез (49) работел повеќе од 10 години во Тихуана за неколку национални и меѓународни вести и известувал за криминал и насилство од бандите во градот на границата меѓу САД и Мексико, пренесува Ројтерс.
Канцеларијата на главниот државен обвинител соопшти дека службениците кои се јавиле на повикот на Брзата помош го пронашле телото на Мартинез пред неговата куќа со повреда на главата предизвикана од огнено оружје.
Еден од неговите колеги рече дека Мартинез бил вклучен во државна програма насочена кон заштита на животите на новинарите.
Неодамна влезе во програмата за заштита бидејќи добиваше закани“, изјави новинар кој сакаше да остане анонимен.
Тихуана стана еден од градовите во Мексико со најмногу насилство поради судирите меѓу нарко бандите кои се борат за шверцерски рути.
Мартинез е вториот новинар убиен оваа година во Мексико, по смртта на Хозе Гамбоа минатата недела во југоисточната држава Веракруз.
Од 2000 до 2021 година, групата за човекови права „Член 19“ регистрирала 145 убиства на новинари во Мексико, а минатата година биле убиени седум новинари.
Би можело да ве интересира
Ердоган: Настаните во Газа се несреќа, катастрофа и злосторство против човештвото
Во Њујорк отстранета статуа од Рузвелт поради расизам
12-годишно момче настрада при огномет во Холандија а уште едно е во критична состојба
Несреќа во Шведска: Две лица загинаа на концерт во Стокхолм, еден човек падна од седми кат и усмрти друг
Вучиќ: Од јуни во употреба руската вакцина од „Торлак“
Бајден во 1979 напишал писмо до Тито, воодушевен од посетата на Југославија
