Пита со боровинки и ореви

Питата со фантастичен мирис и вкус.

Состојки:

Тесто:

• 300 гр остро брашно
• 1/2 кесичка прашок за пециво
• прстофат сол
• 5-6 лажици ладна вода
• 2 лажици шеќер во прав
• 150 гр путер

Фил:

• 400 гр замрзнати боровинки
• 1 лажичка цимет
• 80 гр мелени ореви
• 50 гр шеќер во прав
• 1 кесичка ванилин шеќер
• 1 лажица презла

За премачкување:

• 1 жолчка од јајце

За наросување:

Подготовка:

Измешајте го брашното со прашокот за пециво, додадете го путерот исечен на ленти, солта и шеќерот. Сето тоа добро промешајте го со прсти и на крај додадете ладна вода. Замесете мазно тесто и оставете го да отстои на ладно место најмалку 30 минути.

Одмрзнете ги замрзнатите боровинки и добро исцедете ги.

Дел од подготвеното тесто развлечете го малку повеќе од големината на калапот и ставете го во намрсен и набрашнет калап. Покријте го дното и страните на калапот со тестото. Врз него посипете ја презлата и наредете ги исцедените боровинки. Посипете ги со цимет, шеќер во прав, ванилин шеќер и ореви.

Преостанатото тесто развлечете го и со него покријте ги боровинките. Површината на тестото премачкајте ја со изматена жолчка, избоцкајте со вилушка и печете во загреана рерна на 180 степени околу 40 минути.

Питата посипете ја со шеќер во прав, па послужете ја.