Почина новозеландскиот актер Пит Смит, кој глумеше во „Господар на прстените“

Во саботата на 63 годишна возраст почина новозеландската филмска ѕвезда Пит Смит, соопштија локалните извештаи.

Тој долги години се бореше со бубрежна болест и деменција, изјави неговото семејство.

Неговиот син за „Stuff“ изјави дека Смит болен долго време и дека неговото семејство е среќно што тој не мора повеќе да страда. Според него, ова е она слатко-горко чувство бидејќи иако се тажни поради неговата смрт, сепак чувствуваат и олеснување што не страда повеќе.

Lord of the Rings star Pete Smith dies aged 63 after battle with kidney diseasehttps://t.co/wepoL83H4Q pic.twitter.com/66bZSN4EyY

— Daily Express (@Daily_Express) January 31, 2022

„Последниве седум години беше на дијализа. Во последните две години му беше дијагностицирана и деменција. Почнавме да правиме дијализа дома, но тој во последните неколку недели претрпе инфекција со која се бореше последните четири недели“, велат од семејството.

Once Were Warriors, The Piano actor Pete Smith dies https://t.co/WumSbHxnYu

— Newshub ENT (@NewshubENT) January 30, 2022

Актерот беше најпознат по својата улога во филмот „Господарот на прстените – Враќањето на кралот“ од 2003 година. А покрај тоа, глумеше и во филмовите „We Were Warriors“ и „Piano“.

Тој беше татко на шест деца.