ВМРО-ДПМНЕ: Ковачевски ќе казнувал негативно мислење за СДСМ и ДУИ да крадат, а народот молчи

Заевизмот освен што го ограничуваше правото на протест на граѓаните, па им кажуваше кај треба да протестираат, сега го ограничува и правото на размислување, па им забранува на граѓаните да критикуваат, се вели во соопштението на ВМРО-ДПМНЕ.

Барањето на власта за навреда да одговара секој кој што ќе искаже негативно мислење е уште еден доказ дека Македонија е заробена држава, а владата на пиунот Ковачевски е продолжување на авторитарното владеење на Заев.

Од партијата наведуваат дека во услови кога граѓаните се соочуваат со невидена здравствена, економска и енергетска криза, власта сака да им забрани да ги критикуваат. Па кого ќе критикува народот ако не власта , која е најодговорна за тоталното тонење кое се случува во државата.

Ова е одраз на тоталното лудило и одлепеност од реалноста кое владее во Владата на пиунот Ковачевски.

Од ВМРО-ДПМНЕ велат дека Заевизмот се обидува да наметне целосна цензура, за на тој начин да ја покрие својата неспособност, криминал и корупција.