Германија купува противракетен систем од Израел поради руската инвазија

Германија размислува за купување на противракетен систем поради новата безбедносна ситуација предизвикана од рускиот напад врз Украина, за што веќе се разговара со Израел, објавија германските медиуми.

„ Треба подобро да се заштитиме од заканите од Русија. Затоа итно ни е потребен противракетен систем за целата земја“, изјави социјалдемократскиот политичар Андреас Шварц во интервју за денешното издание на весникот „Билд“.

Шварц, кој е задолжен за прашањата за одбраната во буџетската комисија на Бундестагот, рече дека во предвид е земен израелскиот противракетен систем Arrow 3.

„ Сметаме дека системот Arrow 3 би бил добро решение за Германија“, рече Шварц.

Според германската новинска агенција (dpa), политичарите во Бундестагот задолжени за одбранбените прашања денеска треба да отпатуваат во Израел каде треба да разговараат за можното купување на системот Arrow 3.

Стрелката 3 служи за одбрана од ракети со долг дострел. Германија веќе има противракетен систем „Патриот“ за одбрана од ракети со краток дострел. Веднаш по рускиот напад на Украина, германската влада најави зајакнување на германските одбранбени сили и значително зголемување на воениот буџет.

За итна модернизација на Бундесверот е предвиден вонреден фонд од 100 милијарди евра.