Силна порака на Ердоган до преговарачите на Украина и Русија: Продолжувањето на војната никому не оди во корист

Турскиот претседател Реџеп Таип Ердоган се обрати во Истанбул пред почетокот на руско-украинските преговори кои почнуваат денеска.

– Продолжувањето на војната никому нема да има корист. Враќањето на мирот ќе им користи на вашите земји и на сите други. Вие како делегации ја носите историската одговорност за одлуките донесени денеска – рече Ердоган обраќајќи им се на руските и украинските преговарачи.

Ердоган посочи дека Турција покажа фер пристап со заштита на правата, законите, чувствителноста и на руската и на украинската страна на сите меѓународни платформи.

Тој повтори дека Турција е подготвена да биде домаќин на мировните преговори меѓу рускиот и украинскиот претседател.

Инаку, турскиот претседател беше цитиран на Твитер од советникот на Зеленски и главен украински преговарач Михаило Подољак.

“Continuing war will not benefit anyone. Restoring peace will benefit your countries and all the others. You, as delegations, bear historical responsibility for the decisions made today,” ?? President @RTErdogan at the opening of the Istanbul round of negotiations between ?? & ?? pic.twitter.com/xvMnQFZw9B

— Михайло Подоляк (@Podolyak_M) March 29, 2022