пред 3 години ВМРО-ДПМНЕ како и многу пати досега се однесува неодговорно во време на најголема светска економска криза, неосновано шири страв и паника и предивзикува вознемиреност кај граѓаните, соопшти СДСМ.
„ Од Белата палата лажат за наводен извоз и реекспорт, бидејќи на сила е забрана за пченица и наполица, јачмен, пченка, брашно од пченица и наполица, семе на сончоглед и сончогледово масло. Граѓаните да бидат спокојни, пченица има доволно, снабдувањето е во најдобар ред, а домашното производство е значително зголемено.
Благодарение на успешните земјоделски политики на СДСМ во изминатите пет години домашното производство на пченица е зголемено за над 50.000 тони. Во 2017 година, домашното прозиводство на пченица било 195.888 тони, а во 2021 година изнесувало 253.674 тони“ велат од владејачката партија.
Дополнителна помош и поддршка на домашното земјоделство во време на криза, како што додаваат, обезбедува Интервентниот фонд за земјоделство во вредност од 250 милиони денари, наменети главно за сточарство и производство на житни култури, но и за субвенционирање на набавката на вештачки ѓубрива и зелена нафта.
„ Додека СДСМ се грижи за граѓаните и презема мерки за непречено снабдување и ублажување на ценовниот шок, ВМРО-ДПМНЕ шири дезинформации, и предизвикува вознемиреност во јавноста“ порачаа од партијата на власт.
Би можело да ве интересира
Џафери на состанок со претседатели на парламенти на земјите од Западен Балкан
Маричиќ во Стразбур ја потпиша Конвенција за борба против фалсификување лекови и Протоколот 16
Заев од Атина: Американска компанија која е активна во Грција ќе инвестира и во Северна Македонија
Синдикатите побараа државната помош да се исплаќа директно на сметките на работниците, за да нема злоупотреби
Фарми во беровско ставени под контрола
Угостителски објект во тетовско работел и покрај забраната, сопственикот е приведен
