пред 3 години Британскиот премиер Борис Џонсон ја започна неочекуваната посета на Киев со приватна средба со украинскиот претседател Володимир Зеленски, изјави заменик-шефот на Кабинетот на украинскиот претседател Андриј Сибиха.
Велика Британија ќе испрати 120 оклопни возила и нови противбродски ракетни системи во Украина, соопштија од „Даунинг стрит“ по разговорите меѓу премиерот Борис Џонсон и украинскиот претседател Володимир Зеленски во Киев.
„Одлучното лидерство на претседателот Зеленски и непобедливиот хероизам и храброста на украинскиот народ ги спречија монструозните цели на Владимир Путин“, рече Џонсон по средбата со Зеленски, според соопштението на „Даунинг стрит“.
Today I met my friend President @ZelenskyyUa in Kyiv as a show of our unwavering support for the people of Ukraine.
We’re setting out a new package of financial & military aid which is a testament of our commitment to his country’s struggle against Russia’s barbaric campaign. pic.twitter.com/KNY0Nm6NQ3
— Boris Johnson (@BorisJohnson) April 9, 2022
„Денеска се сретнав со еден пријател, претседателот Зеленски“, напиша Џонсон на Твитер, додавајќи дека го поддржува народот на Украина.
„Подготвуваме нов пакет финансиска и воена помош што е доказ за нашата посветеност во борбата на неговата земја против варварската кампања на Русија“, напиша Џонсон.