Амир, момчето од улица освои трето место на натпреварот по математика „Кенгур“

Амир Дестанов е момчето кое потекнува од сиромашно семејство и го посетува Дневниот центар за деца на улица во Шуто Оризари, тој на интернационалниот натпревар по математика Кенгур 2022 го освои третото место.

Амир е ученик во ООУ „Браќа Рамис Хамил“во Шуто Оризари, но во Центарот се стекнал со знаење со помош на воспитувачките. Убавата вест ја соопштија од Дневниот центар за деца на улица.

„Кога се работи со голема љубов и посветеност и невозможното станува возможно.Една од повеќето успешни резултати од долгогодишното работење на Дневниот центар“, напишаа од Дневниот центар.

Во Дневниот Центар за деца на улица  од Шуто Оризари од неговото формирање до сега им помогнале на околу 600 дечиња да се одвикат од питање на улици.

„Работиме со 62 деца (деца на улица) од 43 семејства согласно просториниот капацитет, на возраст од 04 до 17 годишна возраст, од понеделник до петок“, велат од Дневниот центар за деца на улица.

Центарот има за цел  да ги заштити прават на овие деца, да им ги пренесе моралните вредности, да изградат позитивни навики, да стекнат самодоворба и одговорност, да се социјализира, да им се обезбеди безгрижно детство, какво што секое дете заслужува.