Тасевски на регионална конференција на Интерпол – Во фокусот безбедноста во Европа

Директорот на Бирото за јавна безбедност, Сашо Тасевски ја предводи делегацијата од Министерството за внатрешни работи на 49. Европска регионална конференција на Интерпол, која од 17 до 19 мај се одржува во Лион, Франција.

var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);

На првиот ден од конференцијата која ја отвори претседателот на Интерпол, Ахмед Насер Ал Раиси, а делегациите од педесетина држави ги поздрави и генералниот секретар на Интерпол Јирген Сток, се дискутираше за безбедноста во Европа, соработката меѓу земјите во европскиот регион, а акцент се стави на глобалните и регионалните трендови во безбедносните закани, зајакнување на одговорот за финансиски криминал и корупција, борбата со шверцот со фармацевтски производи и, секако, предизвиците поврзани со ситуацијата во Украина.

Во текот на конференцијата земјите учеснички посебно внимание ќе обрнат на Стратегијата за европскиот регион 2022-2025 и пристапот за нејзина имплементација, откако ќе се осврнат на евалуацијата на Акцискиот план за изминатата 2021 година.

Новата четиригодишна стратегија ги опфаќа сите Интерпол региони и се очекува да ги даде насоките за мандатот и визијата на Интерпол до 2025 година, заедно со целите што се во план да се реализираат.