Белата куќа: Сите патници кои летаат за САД мора да бидат тестирани за ковид

Сите патници кои сакаат да влезат во САД без разлика дали се вакцинирани или не, мора да имаат негативен тест за Ковид-19, соопшти Белата куќа.

var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);

„ Ние постојано ги оценуваме нашите одлуки, но сегашните правила за тестирање остануваат на сила засега“, рече портпаролката на Белата куќа, Карин Жан-Пјер.

Според одлуката на американската влада, секој што ќе влезе во САД по воздушен пат мора да биде тестиран ден пред летот. Ова се однесува и на граѓаните на САД и на странските патници, без разлика дали се вакцинирани или не. Правилото не важи за оние кои неодамна прележале Ковид-19, доколку тоа можат да го докажат со потврда издадена од лекар или друга здравствена служба. Исто така, тестирањето не е задолжително за патниците кои летаат во САД, а според пресудата на федералниот суд, тие повеќе не мора да носат маски додека патуваат.

Правилата во меѓународниот авиосообраќај ќе се менуваат, само доколку здравствените и медицинските експерти проценат дека е потребно. Американските туристички компании се спротивставуваат на одлуката на владата и бараат укинување на задолжителното тестирање за целосно вакцинирани патници во авионите.

Авиокомпании, аеродроми, синџири на хотели и други претставници на американската туристичка индустрија минатиот месец испратија писмо до Белата куќа во кое предупредуваат дека рестриктивната мерка ќе предизвика значителни економски загуби. Во писмото се посочува и дека задолжителното тестирање не е во сила кога станува збор за копнените граници на САД со Канада и Мексико.