Жителите на Содома и Гомора не се уништени, нивните потомци живеат меѓу нас, тврдат научниците

Точноста на библискиот опис на историските настани отсекогаш бил предмет на голема расправа. Честопати научниците ја проучуваат Библијата, но резултатите до кои доаѓаат стануваат контроверзни, пишува британски „Индепендент“.

Така е и со резултатите што ги доби екипата на научници составени од генетичари и археолози, кои тврдат дека геноциот во Содома и Гомора, кој е опишан во Стариот завет, никогаш не се случил. Бог, според пишувањето на Библијата, им се јавил на Израелците, кои оделе кон брегот на Црното Море и им рекол дека во својот поход на Ханаан, земјата на медот и млекото, не треба да остават ништо живо што дише.

Според неодамнешната довршена генетска студија, објавена во American Journal of Human Genetics, жителите од градовите на Содома и Гомора не се уништени. Тие го преживеале походот на Израелците на Ханаан и имаат и свои потомци и денеска.

Извлечената ДНК има поклопување во жив народ

Научниците извлекле ДНК од остатокот на петмина луѓе од некогашните градови и ја репродуцирале комплетната низа на ДНК. Според добиените резултатите од жителите на Либан, се добило поклопување од 90 %.

Понатаму, резултатите на археолошките истражувања не потврдуваат никакво раширено уништување на ханаанските градови меѓу бронзената и железната доба. Градовите на брегот на Сидон и Тира покажуваат континуирано постоење на сите досегашни денови.

„Либанците во голем дел се потомци на жителите на Ханаан пред доаѓањето на Израелците, но имаат и мал удел и Евроазијците, кои стигнале за време на освојувањето на далечните популации, како Асирците, Персијците или Македонците“, вели Марк Хабер, еден од истражувачите.

Ако тоа е навистина така, жителите на озлогласените Содома и Гомора сепак преживеале, тврди „Индепендент“.