По операцијата од 27 часа докторите успешно разделија сијамски близнаци

Сијамски близнаци чии глави биле споени при раѓање биле успешно разделени во Бразил, јавува Би-би-си. Момчињата сега се на рехабилитација. Во Рио де Жанеиро е направена комплицираната операција. Медицинскиот персонал, предводен од британскиот педијатриски хирург Нур ул Овас Јелани од лондонската болница Грејт Ормонд Стрит и д-р Габриел Муфареја од Instituto Estadual Cerebro Paulo Niemeier, успеале да ги разделат споените близнаци.

Хирурзите со месеци вежбале за оваа операција во виртуелна реалност. На браќата Бернардо и Артур Лима им беа извршени вкупно седум операции, од кои последната траеше над 27 часа. Во нив учествуваа речиси 100 членови на медицинскиот персонал.

„Успешната разделба на Бернард и Артур е извонредно достигнување за тимот на Рио и фантастичен пример зошто активноста на Gemini Untwined е толку вредна“, рече д-р Јелани.

Тимот хирурзи помина многу недели подготвувајќи се за операцијата, проверувајќи ги најсоодветните техники. Во тоа помогнаа проекциите во виртуелна реалност, кои беа создадени благодарение на слики од компјутерска томографија и магнетна резонанца. За време на операцијата од 27 часа, докторот имаше само четири паузи од по 15 минути.

Британскиот хирург нагласи дека благодарение на тимската работа и размената на знаење успеале да обезбедат подобар живот за повеќе луѓе. Муфареја додаде дека момчињата поминале 2,5 години во болницата каде што биле оперирани и станале дел од тамошната заедница.

Разделбата на Бернард и Артур беше една од најкомплицираните операции од ваков вид во историјата. Момчињата се најстарите споени близнаци поврзани со разделени мозоци. Бразилците сега ќе бидат на шестмесечна рехабилитација. Според организацијата Gemini Untwined, споени близнаци се раѓаат еднаш во 60.000. раѓања, од кои само 5 проценти се деца со споени глави.