Во малата продавница на Буги, сопругата на Момо Николовски си ги продава своите работи

Момо Николовски, еден од македонските најпознати пејачи, почина во јуни во 2019 година по брбата со ракот.  По неговата смрт сопругата  Валбурга Батева Николовска напша: Јас и ти немаме крај.

Валбурга, автор на музика, честопати на Фејсбук објавува статуси за помош на оние кои немаат. Неодамна пак објави статус во кој сака да си помогне себе сѝ во овие тешки времиња.

„Драги мои, конечно решив да ги отворам вратите од мојата мала продавница. Безброј убави и вредни работи подарив и ќе продолжам да подарувам, зашто тоа ми претставува немерлива радост. Но, за мене, како и за вас, доаѓаат нови времиња со нови предизвици. Секој од нас треба да го најде најчесниот пат до справување со овие невремиња. Јас го избрав овој. Денеска отворам фб страница наречена “Малата продавница на Буги”.

“Во неа ќе објавувам работи купени со многу мерак и љубов, кои сега со љубов и ќе ги продавам, затоа што е време да им се радуваат и други луѓе. Секое парче од мојата мала продавница е полно со убава енергија и сакам со мерак да биде купено и користено.

Повелете, можеби некоја ситница или помалку ситница од мојот дом ќе ви го допре срцето, како што мене и на моите најмили ни го допрело кога сме го купиле. Со љубов, вашата Буги“, напишала таа на Фејсбук.