Рецепт за солена и блага варијанта на тиква

Основниот рецепт за солената верзија

Пред да започнете со подготовка на овие јадења, важно е да знаете дека најдобро е да користите тиква Хокаидо или Мускат за печење, на кои не им се лупи кората. Само пресечете ја тиквата на половина по должина, извадете ги семките со лажица, а потоа исечете ја на кришки или парчиња со саканата големина.

Наредете на плех кој претходно сте го обложиле со хартија за печење. Намачкајте со масло од сусам (по желба), зачинете со сол и бибер и додадете мешавина од рузмарин и зачини по желба. Печете околу 30 минути на 180ºC или додека тиквата не порумени на рабовите и омекне – не заборавајте да ја вртите за време на печењето за да се испечат сите парчиња рамномерно.

Послужете како прилог со еден од овие два сосови:
Павлака од индиски ореви
Комбинирајте ½ чаша (најмалку 2 часа) натопени индиски ореви, 1 лажичка сок од лимон, ½ лажичка јаболков оцет, прстофат сол и ½ чаша вода во миксер или блендер. Прелијте ја печената тиква.

Тиква со сос од гуакамоле
Исечете го авокадото по должина, извадете ја семката и извадете го авокадото со лажица. Прелијте го со сок од лимон. Изгмечете го со вилушка или изблендирајте со миксер. Додадете чешне лук (ако не ви се допаѓа, можете да го додадете во прав), магдонос, млад кромид (или други зачини по ваш избор) и една лажица маслиново или сусамово масло и зачинете со сол и бибер. Ако ја исечете тиквата на поголеми парчиња, можете да ја потопите во сосот или да ја послужите како прилог.

Слатка верзија

Доколку, пак, сте голем љубител на слатки рецепти, тогаш дефинитивно пробајте ја оваа варијанта. Тиквата испечете ја според горенаведениот рецепт (само без додавање сол, бибер и билки), а потоа прелијте ја со мед или јаворов сируп по желба посипете со цимет и мелени ореви.