Урбан технолошки комплекс голем колку 20 фудбалски стадиони ќе се гради во Дубаи

Ново архитетско чудо во Дубаи каде под истиот покрив се наоѓаат канцеларии, објекти за деловна обука, истражување и семинари, како и конференциски сали.

Ова здание ќе биде дом и на Институтот за урбана технологија, кој ќе поттикне создавање на нова генерација лидери во оваа област.

Урбаниот технолошки округ треба да биде најголемиот технолошки парк во светот со нулта нето јаглерод диоксид. Ќе се простира на 140.000 квадратни метри колку 20 фудбалски стадиони на простор во областа Ал Џадаф во Дубаи. Ова место треба да отвори 4.000 нови работни места во зелената технологија.

Урбан Теч Дистрикт ќе биде еден вид жива лабораторија каде што иновациите и претприемништвото ќе се комбинираат со урбаната технологија, така што вклучените страни ќе ги добијат најдобрите можни резултати – и во нивниот бизнис и за планетата.

Под истиот покрив ќе има различни канцеларии, објекти за деловна обука, истражување и семинари, како и конференциски сали. Урбан Теч Дистрикт ќе биде дом и на Институтот за урбана технологија, кој ќе поттикне создавање на нова генерација лидери во оваа област. Ова место, исто така, ќе обезбеди можност за инвестирање за иноваторите кои се справуваат со некои од најпредизвикувачките прашања поврзани со одржливи и паметни градови.

Веќе некое време е познато дека растечката популација, урбанизацијата и влијанието на климатските промени на планетата ја зголемуваат потребата за поотпорни паметни градови.

„Создавањето одржливи градови повеќе не е избор, тоа стана неопходност“, рече Бахараш Багериан, извршен директор на архитектонската фирма URB од Обединетите Арапски Емирати, која стои зад концептот на оваа урбана технолошка област, како и паметниот град XZero.