Почина Боб Мекграт ѕвездата од детската серија „Улицата Сезам“

На 90 -годишна возраст почина Боб Мекграт, актер, музичар и автор за деца надалеку познат по улогата на еден од првите редовни ликови на детската серија „Улицата Сезам“.

Смртта на Мекграт ја потврди неговото семејство, на Фејсбук страницата.

„Семејството Мекграт има тажна вест. Нашиот татко Боб Мекграт почина денеска. Тој почина дома, опкружен со своето семејство“, стои во објавата.

Продукцијата „Улицата Сезам“ објави на Твитер дека се тажни поради смртта на Боб Мекграт, саканиот член на семејството Улицата Сезам повеќе од 50 години.

#SesameStreet icon Bob McGrath dies aged 90 as tributes pour inhttps://t.co/8FFz5Wzgqt pic.twitter.com/IUV134v8U6

— Daily Express (@Daily_Express) December 5, 2022

Мекграт беше основач на „Улицата Сезам“ кога серијата беше премиерно прикажана во 1969 година, играјќи го пријателскиот сосед Боб Џонсон. Својот последен настап во тоа шоу го имаше во 2017 година, одбележувајќи речиси пет децении присуство во светот на „Улицата Сезам“.

Боб исто така беше пејач на ТВ серијата од 60-тите Sing Along With Mitch и започна успешна пејачка кариера во Јапонија.

„Изведувач на кој му се восхитуваше светот, богатиот тенор на Боб многупати ги исполнуваше етерот и концертните сали од Лас Вегас до Саскачеван до Токио“, изјавија од продукцијата на популарната серија, додавајќи дека засекогаш ќе му бидат благодарни за неговиот многугодишен страствен креативен придонес за Улицата Сезам.

Боб ја имаше сопругата Ен Логан Спери и пет деца.