Арсен Венгер првпат на „Емирати“ по заминувањето од Арсенал

Арсен Венгер, конечно, повторно е на „Емирати“, гледајќи го Арсенал на градското дерби со Вест хем јунајтед, првпат појавувајќи се на меч на „топчиите“ по неговото заминување од клубот во 2018 година.

73-годишниот Французин беше менаџер на Арсенал 22 години, од 1996 до 2018 година, и како најуспешен тренер во историјата на лондонскиот клуб со нив освои три титули во Премиерлигата, вклучувајќи ја и легендарната сезона во 2002 година со „Непобедливите“, уште единствениот тим кој стигнал до трофејот без пораз во текот на целата сезона.

Оттогаш Венгер одби неколку понуди да се врати во клупскиот фудбал, и работи како одговорен за фудбалски развој во Светската фудбалска федерација (ФИФА).