пред 2 години
Глумецот Том Сизмор веќе некое време се бори за живот во болница во Лос Анџелес. Откако состојбата драстично му се влошила лекарите на семејството му соопштило дека ќе мора да одлучат дали да го исклучат од апаратите кои го одржуваат во живот, пренесоа американските медиуми.
Неговиот менаџер, Чарлс Лаго за TMZ, откри дека Том се онесвестил во неговиот дом поради аневризма на мозокот.
„Денес докторите не информираа дека за Том нема надеж. Им препорачаа да го исклучат од апаратите кои го одржуваат во живот. Тие во моментов одлучуваат за неговиот живот, а подоцна ќе излезат и со соопштение. Во овие тешки времиња бараат приватност и сакаат да им се заблагодарат на сите за поддршката и молитвите кои ги примија изминативе денови. Ова беше тежок период за нив“, рече Чарлс.
Том заврши во болница пред повеќе од недела дена, а неговиот менаџер рече дека неговата состојба е лоша и дека не се знае дали целосно ќе се опорави. Сеизмор со години имаше проблем со зависноста и законите. Беше уапсен и за семејно насилство. И покрај бројните проблеми имаше успешна кариера и глумеше во „Спасувањето на војникот Рајан“, „Родени убијци“, „Падот на црниот Јастреб“ и други.
Би можело да ве интересира
„Таксират“ и „Д Фестивал“ номинирани за најдобри фестивали во Европа
Вдомените кучиња на Чарлс и Камила ќе се вселат во Бекингемската плата заедно со кралот и кралицата
Илон Маск доби тужба од акционерите на Твитер за манипулација
Живеат над 120 години, а раѓаат деца на 60 годин, тајната за долговечноста на племето Хунза
Пеколни температури до 43, цел викенд натпросечно жешко
Почина ѕвездата од серијата „Комесарот Мулен“
