Samsung објави ново софтверско ажурирање за Galaxy S23, Galaxy S23+ и Galaxy S23 Ultra, и носи подобрувања на камерата и поправки на телефонот.


За почеток, алгоритмот за автоматско фокусирање е дотеран за побрзо фотографирање, што значи дека кога корисникот ќе го притисне копчето за бленда во стандардната апликација за камера, камерата на телефонот создава фотографија дури и кога фокусот не е целосно поставен.

Оние кои сакаат апликацијата да креира фотографија откако ќе се постави соодветниот фокус, може да ја сменат споменатата поставка со одење во менито Camera Assistant > Prioritize focus over speed.

Треба да се напомене дека гореспоменатите промени во моментов се достапни за серијата Galaxy S23 во Јужна Кореја како дел од ажурирањето во март и останува да се види дали тие ќе пристигнат во други региони како дел од ажурирањето во април или дали Samsung ќе објави ново ажурирање со гореспоменатите подобрувања и поправки.

Јужнокорејската компанија го донесе првото ажурирање на серијата Galaxy S23 на крајот на февруари, со безбедносни подобрувања на новите телефони.