iPhone е најпопуларниот електронски уред во светот, па можете да го купите во речиси сите земји. Сепак, цената на iPhone не е насекаде иста, а Турција сега стана земјата во која најмалку се исплати да се купи паметен телефон на Apple.


Турција е во економска криза која предизвика ненадеен пад на вредноста на домашната валута – турската лира. Ова, заедно со повисоките даночни стапки и курсот на доларот, доведе до зголемување на цените на увозните производи. Така за еден месец Apple мораше дури три пати да ги прилагоди цените на своите производи за турскиот пазар. Како резултат на тоа, iPhone 14 Pro Max со 1 TB меморија продаден во Турција е всушност најскапиот таков iPhone во светот.

iPhone 14 Pro Max со 1 TB простор чини 1.599 долари во САД. Во Турција цената е повеќе од двојно повисока и изнесува 3273 долари. Од оваа бројка, само 1.636 долари одат за Apple, додека остатокот од парите одат за турската влада како даноци.

Кога станува збор за обичниот iPhone 14, тој чини 1.818 долари во Турција, што е многу поскапо од iPhone 14 Pro Max 1 TB што се продава во САД, а значителните разлики помеѓу овие телефони се јасни.