Годишниот извештај на институтот за проучување на новинарството на Ројтерс покажува промени во начинот на кој луѓето ги следат вестите.


Според ова истражување, од периодот од 2018 година до денес има намалување на бројот на луѓе кои пристапуваат до вести преку веб портали или апликации.

Ова особено се однесува на помладите корисници, кои најчесто наоѓаат вести преку социјалните мрежи, пребарувачите или мобилните агрегатори.

За да се добијат информации повеќе се користат сметки и профили на познати личности, инфлуенсери или други луѓе на социјалните мрежи, наместо новинари. Најпопуларните платформи за добивање вести се TikTok, Instagram и Snapchat, според извештајот на Ројтерс.

Според извештајот, TikTok е социјалната платформа со најбрз раст, а 20 проценти од младите на возраст од 18 до 24 години ја користат за вести. Ова е зголемување од 5% во однос на претходната година.

Помалку од една третина од испитаниците истакнале дека изборот на вести врз основа на претходните пребарувања е добар начин за добивање информации. Сепак, луѓето претпочитаат алгоритам за избор на нивните вести, наместо уредници или новинари, според Ројтерс.

Истражувањето покажува и дека довербата во вестите паднала за два отсто во текот на претходната година. Во просек, 40 отсто од луѓето истакнуваат дека генерално веруваат во повеќето вести.

На сите пазари, 56 отсто од луѓето велат дека се загрижени поради тоа што можат да ја направат разликата помеѓу вистинските и лажните вести онлајн – ова претставува зголемување од 2 отсто во споредба со минатата година.