Маск објави дека го ограничува прегледот на објавите на Твитер со цел да се бори против „екстремното ново собирање податоци“, но подоцна откри дека сето тоа е иронија.


Сопственикот на Твитер, Илон Маск, во саботата објави дека на социјалната мрежа се воведуваат ограничувања за гледање објави.

„За да се справиме со екстремните нивоа на собирање податоци и манипулација со системот, ги имплементиравме следните привремени ограничувања. Потврдените сметки се ограничени на гледање 6.000 објави дневно, непроверените сметки се ограничени на 600 објави, а новите непроверени сметки се ограничени на 300 објави дневно“, напиша Маск во својот твит.

Со оглед на тоа дека се работи за прилично необична одлука која корисниците не ја очекуваа, коментарите беа преплавени со поплаки и мемиња. Се огласија и познати интернет личности како, на пример, MrBeast, кој напиша дека ќе провери колку му треба да ја прегледа количината на објави наменети за проверени сметки.

Неколку часа по првата објава, Маск се предомислил и ги зголемил бројките на 10.000, 1.000 и 500, на крајот откривајќи дека целата објава била „вежба за иронија“ која достигнала рекорден број прегледи.

Голем број корисници објавија нови мемиња и исмејувачки хаштагови по првата објава, а многумина се заканија дека ќе ја напуштат платформата поради ограничувањата, наведувајќи дека завршиле со Твитер.

На крајот на краиштата, Маск ја исмеа оваа корисничка реакција. Неговиот првичен твит за ограничувањата е прегледан повеќе од 458 милиони пати, што го натера да објави дека „иронијата е да се достигне ограничениот број поради ограничувањата на прегледите“.

По се, тој повторно се обиде да ја „оправда“ својата одлука, посочувајќи дека сите сме зависни од Твитер и дека треба малку да излеземе надвор.