Apple наводно размислува за магнетни додатоци, подобар екран и сензор за крвен притисок, но ќе мора да почекаме уште малку за да пристигнат тие подобрувања.


Apple го подготвува „најголемиот редизајн во неколку генерации“ за десеттата серија на Apple Watch, но ако мислите дека ќе го видиме оваа година, се лажете, според Марк Гурман од Bloomberg.

Компанијата наводно работи на потенок Apple Watch X модел, со магнетни ремени, сензор за крвен притисок и microLED дисплеј, а паметниот часовник се очекува подоцна во 2024 година или дури во 2025 година.

Старите механички приклучоци за Apple Watch се покажаа како хит, давајќи им на корисниците можност да се персонализираат со различни официјални и неофицијални нараквици, но Гурман вели дека тие зафаќаат простор што Apple би сакал да го искористи за батерија и дополнителни внатрешни компоненти.

Веќе некое време се зборува за поголем и пошарен microLED екран за Apple Watch, но технологијата е релативно нова и релативно скапа, што значи дека Apple се соочува со предизвик доколку планира да издаде џебна верзија на паметниот часовник. Се зборува и за наводното воведување на сензори за крвен притисок кои ги чекаме со години.

Што се однесува до овогодинешните модели на Apple Watch, Гурман вели дека ни претстои паметен часовник сличен на претходните. Apple Watch ќе добие побрз процесор, но ќе ја задржи минатогодишната дијагонала, вклучувајќи ја и онаа од 49 mm за Apple Watch Ultra, заклучува Verge.