ИДФ: Нашите командоси ја пребаруваат целата болница

Израелските командоси ја пребаруваат секоја зграда и секој кат од болницата Ал Шифа во Газа, додека стотици пациенти и медицински персонал остануваат во комплексот, изјави денеска израелски воен претставник.

„Операцијата е дефинирана според нашето разбирање дека во комплексот има добро скриена терористичка инфраструктура“, рече неименуваниот функционер, според Ројтерс.

Оружјето и опремата на Хамас беа пронајдени во Ал Шифа, рече претставникот, додавајќи дека „Хамас упорно работи на прикривање на инфраструктурата и прикривање докази“ во болниците во Газа. Хамас негираше дека работи од медицински установи.

Извор на репортер на Би-би-си во Газа вели дека има пукање во болницата Ал Шифа. Кадер, новинар кој се наоѓа во Ал Шифа, разговараше со репортер на Би-би-си велејќи: „Војниците се насекаде, пукаат насекаде“.

Тој рече дека војниците „упаднале во сите одделенија“ на болницата и го уништиле јужниот дел од ѕидот на една од зградите на комплексот и десетици автомобили.

Оваа информација не е независно потврдена. Израелските војници влегоа во болницата пред повеќе од 36 часа. Синоќа тие рекоа дека „продолжуваат прецизна и насочена операција против Хамас“ на локацијата.

Текстот ИДФ: Нашите командоси ја пребаруваат целата болница е превземен од МАКФАКС.