Хамас: Примирјето стапува во сила утре во 10 часот

Официјалниот претставник на Хамас, Муса Абу Марзук, во интервју за „Ал џезира“ изјави дека привременото примирје меѓу терористичката група и Израел ќе стапи во сила утре во 10 часот.

Соопштението доаѓа откога Израел постигна договор со Хамас за четиридневен прекин на огнот и ослободување најмалку 50 од речиси 240 заложници, кои Хамас ги киднапира на 7 октомври, во замена за ослободување 150 малолетни и женски затворенички во израелските затвори.

Договорот беше одобрен во текот на ноќта од израелската влада.

Абу Марзук вели дека повеќето од заложниците што ќе бидат ослободени имаат странско државјанство, без да прецизира дали имаат и израелски пасоши. Израел рече дека сите заложници ќе бидат израелски државјани или жители.

Текстот Хамас: Примирјето стапува во сила утре во 10 часот е превземен од МАКФАКС.