Израел: Ослободувањето на заложниците нема да почне пред петок

Првите израелски заложници што ги држеше Хамас во Појасот Газа нема да бидат ослободени до петок, изјави претседателот на израелскиот Совет за национална безбедност, Чахи Ханегби, откога израелските и претставниците на Хамас соопштија дека привременото примирје и договор за размена на заложници ќе стапи во сила утре наутро.

„Преговорите за ослободување на нашите заложници постојано напредуваат. Ослободувањето ќе почне во согласност со пробниот договор на страните, а не пред петок“, рече Ханегби, а пренесува „Тајмс оф Израел“.

Високиот функционер на Хамас Муса Абу Марзук претходно изјави дека договорот за привремено примирје и размена на заложници ќе стапи во сила денеска во 10 часот, што на новинарите неколку часа подоцна им го потврди и висок израелски функционер, кој побара да остане анонимен.

Хамас и Израел со посредство на Катар постигнаа договор за привремено примирје и размена на 50 израелски заложници киднапирани на 7 октомври за 150 Палестинци, кои моментно се наоѓаат во израелските затвори.

Текстот Израел: Ослободувањето на заложниците нема да почне пред петок е превземен од МАКФАКС.