Миризливите свеќи можат да предизвикаат здравствени проблеми, покажува истражување

Миризливите свеќи често се омилен украс во домовите ширум светот. Но, според најновото истражување објавено во американското списание „Annals of Medicine and Surgery“, овие свеќи можат да имаат негативни ефекти врз здравјето.

Луѓето кои страдаат од вртоглавица, главоболки, респираторни проблеми, насолзени очи, кивање или затнат нос треба да избегнуваат миризливи свеќи. Истражувачите предупредуваат дека миризливите свеќи, особено оние направени со парафин или восок на база на нафта, содржат супстанции како толуен кои можат да бидат потенцијално штетни за оние со веќе постоечки здравствени состојби.

„Продолжената изложеност на високи концентрации на толуен е поврзана со бројни здравствени опасности, вклучително и ефекти врз нервниот систем, респираторниот систем и мозокот“, се истакнува во студијата.

Како алтернатива, авторите на истражувањето препорачуваат природни мириси наместо синтетичките кои често се користат во конвенционалните свеќи. Свеќите направени од соја и пчелин восок се сметаат за подобри опции, кои придонесуваат за естетиката на домот без потенцијални негативни ефекти врз здравјето, пишува The Cut, а пренесува Net.hr.