35 отсто поевтинува парното за училиштата и градинките

Регулаторната комисија за енергетика донесе вонредна одлука на цената на парното греење во Скопје за деловните корисници со која се намалува цената за 35 отсто.

Претседателот на РКЕ, Марко Бислимоски, изјави дека цената на топлинската енергија за потрошувачите во Град Скопје е намалена поради намалените трошоци за природен гас.

„Ние ја следевме цената на берзите и имајќи во предвид дека со прертходната одлука одевме со повисоки церни видеќи такви беа фјучерсите, ова што е реализирано во јануари, февруари и март, ни даде основа да ја донесеме одлука со цел на сите овие потрошувачи како што се училиштата, градинките и малите дуќани кои немаа никаква субвенција да им ги намалиме трошоците за топлинска енергија. Со тоа ќе овозможиме и тренд на нови потрошувачи од сферата на деловните корисници“, рече Бислимоски.

Сметката што ќе ја добијат овие деловни субјекти за февруари ќе биде намалена за 35 отсто.

Текстот 35 отсто поевтинува парното за училиштата и градинките е превземен од МАКФАКС.