пред 7 месеци 
Папата Франциско денеска повика на итна испорака на хуманитарна помош за Палестинците во Газа, како и Израел и Хамас да ги прифатат предлозите за прекин на огнот и ослободување на заложниците.
„Ја охрабрувам меѓународната заедница да направи нешто итно, со сите средства, за да им помогне на луѓето во Газа кои се истрошени од војната“, рече Францис, истакнувајќи дека „никој не смее да ја попречува“ хуманитарната помош.
Римокатоличкиот поглавар изрази надеж дека Израел и Хамас ќе постигнат договор за прекин на огнот, додавајќи дека знае дека преговорите „не се лесни“.
„Се надевам дека мировните предлози што беа претставени од сите страни и ослободувањето на заложниците ќе бидат прифатени веднаш, за доброто на Палестинците и Израелците“, рече Франциск, пренесе Танјуг.
Потсетувајќи како одржал мировна молитва во Ватикан пред десет години кога биле присутни тогашниот претседател на Израел Шимон Перес и палестинскиот лидер Махмуд Абас, папата оцени дека нивната средба „покажала дека се можни ракувања“ и дека е потребна поголема храброст за постигнување мир, но за водење војна.
Текстот Папата Франциско ги повика Израел и Хамас да ги прифатат предлозите за прекин на огнот е превземен од МАКФАКС.