Муцунски – Дуџијак: Поздравена континуираната поддршка од ОН за севкупниот напредок на нашата земја

Муцунски – Дуџијак: Поздравена континуираната поддршка од ОН за севкупниот напредок на нашата земја

пред 2 години

Министерот за надворешни работи и надворешна трговија, Тимчо Муцунски, денеска ja прими постојаната координаторка на ОН во земјата, Росана Дуџијак.

На средбата стана збор за рамката за соработка за одржлив развој 2021 – 2025, при што беше нагласено дека нејзината имплементација ќе придонесе и за целосна реализација на целите за одржлив развој до 2030, на што земјава е во целост посветена.

Министерот се заблагодари на досегашната поддршка на Канцеларијата на резидентниот координатор на ОН во земјата во исполнувањето на нашите национални приоритети нагласувајќи ја посветеноста на новата Влада на реформските процеси и понатамошниот демократски развој.

Дополнително, беше поздравена континуираната поддршка од ОН за севкупниот напредок на нашата земја преку разни проекти и активности нагласувајќи дека тие им помагаат и на нашите клучни процеси, како што е процесот на пристапување во ЕУ.

Воедно, стана збор и за нашето учество на Генералното собрание на ОН, што ќе се одржи во септември оваа година, како и за календарот на активности во претстојните месеци.

Текстот Муцунски – Дуџијак: Поздравена континуираната поддршка од ОН за севкупниот напредок на нашата земја е превземен од МАКФАКС.

Share
Scroll to Top