Британски Јутјубер облечен како спортист го измами обезбедувањето на Олимпијадата за да се слика со Макрон

Британскиот јутјубер Даниел Џервис успеал да дојде до францускиот претседател Емануел Макрон и да се фотографира со него за време на затворањето на Олимписките игри во Париз, облекувајќи се како спортист, објави денеска францускиот портал Indepandan.

Џервис на социјалните мрежи се пофали дека успеал да го заобиколи обезбедувањето за да направи селфи со Макрон, додека пак облекувајќи се како британски спортист успеал да влезе на церемонијата на затворање на Олимпијадата во неделата вечерта.

Јутјуберот кој го носи името „Јарво 69“ е познат по хумористичните шеги што ги снима и објавува на социјалните мрежи.

Yes I blagged my way into the Olympics closing ceremony, dressed as a @TeamGB athlete! I miss the Olympic 😭 pic.twitter.com/6SGWFUppA5

— Jarvo69 (Daniel Jarvis) (@BMWjarvo) August 12, 2024

На снимката од затворањето на Олимписките игри можете да го видите како насмеан се шета по стадионот на Франција, каде што се одржа церемонијата. Носел службена спортска облека на британските спортисти, за да го заобиколи обезбедувањето, кое наводно било во состојба на готовност.

Жервис успеа да ја постигне својата главна цел: во огромна гужва на стадионот го пронашол Макрон и побарал да се фотографира со него, што францускиот претседател го прифатил со насмевка.