Оваа есен доаѓа Slitterhead, хорор видео игра во режија на Кеичиро Тојама.


Тојама порано го режираше Silent Hill, а овој нов хорор пристига во ноември, и фер е да се каже дека е во трка за една од најчудните игри во 2024 година.

Имено, играта се заснова на контролирање на суштеството наречено Хјоки, кое нема ниту физичка форма ниту свои сеќавања.

Затоа Хјоки мора да поседува други суштества – луѓе или животни, а потоа да ги користи за борба против демоните наречени Slitterheads.

Овие демонски сили добиваат човечки облик, но всушност се некакви инсектоидни зли суштества и Хјоки мора да ги победи пред да го заземат целиот град.

Во таа борба тој користи различни моќи и оружје, а главната механика е всушност преземање тела на разни луѓе и животни.