Тешка повреда: Родри ја заврши сезоната

Родри, фудбалерот на Манчестер Сити, ја заврши сезоната поради повреда на коленото.

Фудбалерот на Сити се најде на тревата веќе во 17. секунда од големото и исклучително возбудливо дерби во Премиер лигата, потоа Хаверц го испрати на земја, но Родри стана и го продолжи мечот, но не помина многу време и беше заменет.

Се испостави дека Родри е тешко повреден, му се оштетени лигаментите на коленото и оваа сезона за него е завршена.

Шпанскиот фудбалер веќе се подготвува за патувањето во Мадрид на нови тестови каде ќе се утврди степенот на повреда и пред да замине на операција, специјалистите детално ќе го разгледаат неговото колено.

Она што во моментов е познато е дека Родри ја заврши сезоната, дека го чека операција, а наскоро ќе биде попрецизно познато кога ќе биде опериран и кога треба да се врати на тренинзите.