Повеќе од 200 проектили истрелани од Либан, тврди Израел

Најмалку 200 проектили биле истрелани денеска од Либан, тврди израелската армија. Израел соопшти дека нема извештаи за повредени во нападите, кои следеа по израелските напади врз Иран во текот на ноќта.

Според израелската војска, фрагменти од околу 30 ракети оштетиле неколку згради и автомобили во северниот град Нахариј, додека противпожарната служба соопшти дека нејзините тимови се борат со пожарите предизвикани од ракетни напади на седум локации ширум северот.

Речиси секојдневните престрелки меѓу Израел и милитантната група Хезболах со седиште во Либан во текот на изминатата година ескалираа во војна во последните недели, при што 19 лица загинаа во Либан само вчера, според Министерството за здравство на земјата.

Текстот Повеќе од 200 проектили истрелани од Либан, тврди Израел е превземен од МАКФАКС.