Извршени две трансплантации: на деформитет на стапало и на преден вкрстен лигамент на колено

Под водство на проф. д-р Зоран Божиновски и со поддршка од стручен тим успешно е извршена реконструкција на деформитет на стапало кај 13-годишен пациент, информираат од Министерството за здравство. „Во медицинскиот тим учествуваа д-р Теодора Божиновска, д-р Мики Ѓорески, анестезиологот д-р Марина Темелковска, д-р Ивана Колевска- Удовалиева, инструментарката с. Шехиде Синани, помошник-инструментарката с. Аријета Мемети, сестрата анестетичар Менче Дојчиновска и болничарот Сејнур Идриз“.

Исто така, медицински тим, составен од доц. д-р Алан Андоновски, д-р Мики Ѓорески, д-р Шклзен Синани и анестезиологот д-р Јасминка Нанчева, успешно ја изведе реконструкцијата на предниот вкрстен лигамент на колено кај 35-годишен пациент.

Придружувани од медицинскиот техничар Ерзен Муртезани, помошник-инструментарката Сузана Пејчиновска, сестрата анестетичар Јована Илиева и болничарката Снежана Тодоровска тимот демонстрира врвен професионализам и посветеност.

„Трансплантациите се извршени благодарение на ткивната банка на ортопедија. Со секоја успешно изведена трансплантација ние не само што спасуваме живот туку им даваме шанса за подобар и поквалитетен живот на пациентите. Тие се инспирација за сите нас. Изразувам посебна почит кон донорот и благодарност до семејствата на донорите. Огромна благодарност и до сите здравствени работници вклучени во трансплантациските постапки. Во изминатите шест месеци се извршени осум ортопедски трансплантации кај деца и возрасни, со што значително се унапредува квалитетот на живот кај пациентите“, вели проф. д-р Кузмановска, национален координатор за трансплантација.

Текстот Извршени две трансплантации: на деформитет на стапало и на преден вкрстен лигамент на колено е превземен од МАКФАКС.