Кондолиза Рајс за однесувањето на Путин: Стана уште поочаен и понепредвидлив, како да е решен да ја уништи Украина

Поранешната државна секретарка на САД, Кондолиза Рајс, предупреди дека рускиот претседател Владимир Путин станал уште понепредвидлив нагласувајќи дека е очаен да ја уништи Украина.

Рајс беше замолена да ги коментира извештаите во кои се наведува дека Украина неодамна го погодила мостот што ги поврзува Крим и Русија, кој бил изграден токму на инсистирање на Путин.

Таа го нарече нападот вонреден велејќи дека покажува како Украина може да го смета Путин за одговорен за неговата агресија, објавува „Фокс њуз“.

„Тоа покажува неколку работи“, рече Кондолиза Рајс и продолжи:

„Прво, променетата природа на војувањето што може да се направи нешто вакво со релативно евтини беспилотни летала против руската стратешка воздушна флота, што чинеше милијарди и милијарди долари. Второ, покажува дека Украинците постигнаа голем напредок во својата одбранбена индустрија, во производството на овие беспилотни летала и во стратегијата за нивно користење“.

„И, трето, тоа е неверојатен разузнавачки успех. Владимир Путин сега сигурно се прашува дали станува збор за внатрешен државен удар. Веројатно, ќе видиме лов на вештерки во Русија додека се обидува да открие кој го извршил однатре. Тоа само покажува дека Украинците, со малку помош, може да бидат принудени да го натераат Владимир Путин да плати за својата агресија“.

Кондолиза Рајс истакна дека однесувањето на Путин станало понепредвидливо откога таа служела во администрацијата на поранешниот претседател Џорџ В. Буш посочувајќи на неговата непоколеблива решеност да ја уништи Украина.

„Се чини дека е повеќе надвор од контрола отколку порано. Тој отсекогаш бил многу контролирана личност. Не ме сфаќајте погрешно, тој никогаш не бил демократ во стилот на Томас Џеферсон. Тој отсекогаш бил автократ. Тој отсекогаш бил империјалист, но сега има нешто во неговото однесување што изгледа уште поочајно, како да е решен да ја уништи Украина“.

Поранешната државна секретарка нагласи дека е од суштинско значење американскиот претседател Доналд Трамп јасно да стави до знаење дека Русија нема да успее во обидот да ја преземе контролата врз Украина откога мировните преговори во Истанбул во понеделникот не донесоа значителен напредок.

„Мислам дека постои дел од Владимир Путин кој особено разбира дека енергетската инфраструктура во Русија се урива и дека би било подобро за него да ја запре оваа војна“, рече таа и додаде:

„Но, тој разумен Путин е потиснат од тој друг Путин, кој сè уште верува дека може да ја уништи Украина. И, знаете, нему му е потребен претседателот повеќе отколку што на претседателот му е потребен тој. Затоа е исклучително важно во овој момент да му стане јасно дека нема да ги исполни своите максималистички барања“.

Текстот Кондолиза Рајс за однесувањето на Путин: Стана уште поочаен и понепредвидлив, како да е решен да ја уништи Украина е превземен од МАКФАКС.