Кралот Чарлс го прослави роденденот и им оддаде почит на загинатите во Индија

Британскиот крал Чарлс и други високи членови на кралското семејство денеска носеа црни ленти на ракавите за време на воената парада во Лондон за да им оддадат почит на жртвите од падот на авионот на Ер Индија, објави Ројтерс.

По воената парада, која го одбележува официјалниот роденден на кралот Чарлс, беше одржано едноминутно молчење.

Портпаролот на Бакингемската палата изјави дека кралот Чарлс ги побарал промените „како знак на почит кон изгубените животи, ожалостените семејства и сите заедници погодени од оваа ужасна трагедија“.

There is surely no better sight.#TroopingTheColour pic.twitter.com/Rm3SeEkxzZ

— Royal Central (@RoyalCentral) June 14, 2025

Знамињата беа спуштени на половина копје пред кралските резиденции за време на парадата.

1.350 војници учествуваа на церемонијалната парада во Лондон.

Роденденот на кралот Чарлс е во ноември, но британските монарси традиционално ги слават своите родендени во лето, за да можат официјалните церемонии да се одржат во подобри временски услови.

All the best photographs from Trooping the Colour 2025 https://t.co/unG5NxHCx6 pic.twitter.com/Q1M8eeBlUn

— Tatler (@Tatlermagazine) June 14, 2025

Боинг 787-8 Дримлајнер, кој леташе за Лондон, се урна кратко по полетувањето од Ахмедабад, Индија, во четврток, 12 јуни, при што загинаа најмалку 270 луѓе во најлошата авијациска катастрофа во последната деценија.

Само еден од 242 патници и членови на екипажот преживеал, додека другите загинале кога авионот се урна во студентски дом на медицински факултет.