СДСМ: Жолтите комбиња се вратија, ВМРО-ДПМНЕ во параноја и процес за дефокус од реалните проблеми

Секогаш кога ВМРО-ДПМНЕ се фатени во скандали, криминали или кога ќе доживеат дебакл на меѓународна сцена измислуваат „теории на заговор“ за дефокус од нивната неспособност, реагираат од СДСМ на прес-конференцијата на пратеникот од ВМРО-ДПМНЕ, Миле Лефков.

„Жолтите комбиња од времето на Груевски се вратија! ВМРО-ДПМНЕ нема одговор за криминалот, за неспособноста, за разочарувањата што им ги приредија на граѓаните, за неисполнетите ветувања. Затоа е оваа параноја и измислени фантазии. Тоа што овој пат го обрале токму Миле Лефков, кој наместо да се сокрие по сите негови глупости, кажува се. Единствени кои веќе нанесоа штета и веќе одработија против македонските интереси се ВМРО-ДПМНЕ и Тимчо Муцунски. Затоа, после дебаклот во Европскиот парламент и блокадата на европскиот пат, секоја прес-конференција на ВМРО-ДПМНЕ станува театар на апсурдот. Време е ВМРО-ДПМНЕ да се спушти на земја – Македонија не е филм, туку држава со напатени граѓани со реални проблеми кои бараат реални решенија. Граѓаните не се наивни, жолтите комбиња можеби се вратија, ама граѓаните доверба во вакви будалаштини – никогаш нема да имаат“, стои во реакцијата на СДСМ.

Текстот СДСМ: Жолтите комбиња се вратија, ВМРО-ДПМНЕ во параноја и процес за дефокус од реалните проблеми е превземен од МАКФАКС.