(Фото) Шест патници во автобус загинаа при лизгање на земјиште во централен Виетнам

Најмалку шест лица загинаа во централен Виетнам кога автобус што ги превезуваше беше погоден од свлечиште во недела навечер, објавија државните медиуми.

Свлечиштето наводно е предизвикано од обилните дождови што го погодија подрачјето.

Автобусот, кој превезуваше 32 лица, се движел од Да Лат до На Транг кога се случил инцидентот, објави онлајн весникот VnExpress.

⚠ Khánh Lê Pass landslide kills 6 ⚠

Heavy rain triggered a landslide on Khánh Lê Pass, burying a coach with 32 people on board travelling from Đà Lạt to Nha Trang late Sunday. Six people have died, and 19 others are injured. Rescuers are searching for missing passengers. pic.twitter.com/dSvwEtK4Ij

— Việt Nam News (@VietnamNewsVNS) November 17, 2025

Се наведува дека 19 патници се повредени. Двајца патници биле заробени во автобусот, кој бил делумно затрупан со кал и камења. Властите се на местото на настанот и се обидуваат да ги спасат.

Фотографијата што ја придружува извештајот покажува дел од патот целосно покриен со земја и огромни камења.

Во блискиот Дананг, уште три лица се водат како исчезнати во друго лизгање на земјиштето што се случи во петокот, според VnExpress.

фото: принтскрин

Текстот (Фото) Шест патници во автобус загинаа при лизгање на земјиште во централен Виетнам е превземен од МАКФАКС.