(Фото) Најтажната принцеза има најголема насмевка на лицето: новата фризура ги засени сите проблеми

Принцот Алберт од Монако и неговата сопруга, принцезата Шарлин, присуствуваа на настанот „Монако под ѕвездите“, во придружба на сестрата на Алберт, принцезата Стефани.

Шарлин долго време го носи прекарот „најтажната европска принцеза“, а дури неодамна почна да се појавува со сè поголема насмевка на лицето, иако сè што се случуваше во Монако е сè уште обвиткано во превез од тајни што веројатно никогаш нема да ги дознаеме.

Во овој период, убавата принцеза ја покажа својата нова фризура. Шарлин направи драстична промена бидејќи со години се појавуваше со кратка коса што исто така совршено ѝ прилегаше. Сега е малку подолга, но и посјајна, со дискретни златни прамени.

За да ја задржи косата во преден план, Шарлин носеше едноставно кафеаво палто со двојно закопчана јака и ремен што го нагласуваше нејзиниот струк. Под неа, се гледаше само бела ролка, а принцезата го заокружи својот стил со чанта во иста нијанса како палтото и чизми.

Принцезата Шарлин отсекогаш се истакнуваше со својот внимателно избран стил, дури и кога не ѝ беше до тоа.

Сега кога тешкиот период конечно е зад нивното семејство, Шарлин почна да се насмевнува. Новата фризура може да биде и знак за нов почеток, а за оние кои ги следат трендовите, ова сигурно ќе биде знак да побрзаат на фризер.