Трамп привремено го затвора Центарот Кенеди: „Ќе изградиме глобален бастион на уметноста“

Американскиот претседател Доналд Трамп објави планови за привремено затворање на Центарот Кенеди во Вашингтон за голема реконструкција, два месеци откако предизвика контроверзии со додавањето на своето име на културната знаменитост.

Трамп изјави на својата платформа Truth Social дека „Центарот Трамп Кенеди“ ќе се затвори во јули за околу две години. Тој рече дека реновирањето ќе го трансформира центарот во „бастион од светска класа на уметност, музика и забава“.

Владата на САД повеќе пати повтори дека комплексот на Центарот Кенеди, кој се наоѓа на реката Потомак, има потреба од поправки и модернизација.

Центарот Кенеди е домаќин на театарски, танцови и музички претстави и е именуван по поранешниот претседател Џон Ф. Кенеди (1917-1963). Името на Трамп беше официјално додадено во декември, предизвикувајќи протести и откажување на настапите од страна на некои изведувачи и групи во институцијата.

Кратко по преземањето на функцијата, Трамп отпушти неколку членови на одборот на директори на центарот и го презеде неговото раководство. Центарот традиционално е домаќин на над 2.000 настани годишно, вклучувајќи го и доделувањето на наградите „Почести на Центарот Кенеди“, кое обично се одржува секој декември.

Текстот Трамп привремено го затвора Центарот Кенеди: „Ќе изградиме глобален бастион на уметноста“ е превземен од МАКФАКС.