Австријците доминираа во супер тимското натпреварување, Полска изненади, Словенија разочара

Австријците Јан Херл и Штефан Ембахер триумфираа во супер тимското натпреварување во скијачки скокови на Олимписките игри во Милано и Кортина, кое беше прекинато на крајот од третата серија, поради обилни снежни врнежи.

Жирито конечно ги призна резултатите по две серии и четири скока, а Херл и Ембахер победија со 568,7 поени.

На овој начин, тие испишаа историја, како први победници на ЗОИ во сосема нова дисциплина, која всушност ги замени поранешните тимски скокови (со четворица натпреварувачи).

Полјаците Павел Воншек и Каспер Томасијак имаа најголема среќа во понеделник вечерта, кои до среброто стигнаа со од 21,4 поени помалку од победниците (547,3), бидејќи Воншек имаше лош скок во петтата, сосема регуларна серија, и беше големо прашање дали неговиот тим воопшто ќе го освои медалот.

По вистинска драма, Норвежаните, Јохан Андре Форфанг и Кристофер Ериксен Сундал, ја освоија бронзата со само три десетинки (538) подобар резултат од четвртопласираните Германци (Андреас Велингер, Филип Рајмунд) – 537,7 поени.

Словенците, Анже Ланишек и Домен Превц, предизвикаа ги разочараа своите навивачи, на крајот го освоија петтото место со 536,1 поени. Јапонците (Никаидо, Кобајаши) се шести со 535,2, Швајцарците (Трунц, Десванден) се седми, а Американците (Бикнер, Франц) се осми.

Супер тимското натпреварување во машка конкуренција ја заокружи олимписката програма во скијачки скокови.

Foto/ EPA