Демократски сојуз: Војната брзо ќе заврши, партиите да покажат државничко однесување и да не создаваат непотребна паника

Демократски сојуз укажува на потребата од единство и ги повикува сите партии „да покажат државничко однесување и да не создаваат непотребна паника и страв кај граѓаните, користејќи ја војната на Блискиот Исток (Иран) за дневно политички поени“.

„Негативните рефлекси се присутни насекаде во светот, но преку медиумите и социјалните мрежи се предимензионираат и се создава нервоза и психоза на несигурност, при што на вакви состојби најчувствителни се пазарот и берзите, но и вештачки се нарушува и снабдувањето со енергенси итн“, велат од Демократски сојуз.

„Многу брзо војната ќе заврши и ќе почнат разговори и веруваме дека во светот ќе надвладее потребата од мир, како на Блискиот Исток така и во Украина.

Македонија треба и натаму да ја следи политиката на САД и ЕУ, водејќи сметка за нашите стратешки и национални интереси.

Во овие турбулентни времиња и геостратешки и безбедносни раздвижувања, неопходно е разумно, одговорно и трпеливо однесување“, се додава во соопштението на Демократски сојуз.

Текстот Демократски сојуз: Војната брзо ќе заврши, партиите да покажат државничко однесување и да не создаваат непотребна паника е превземен од МАКФАКС.