Спанулис си замина, Монако има нов тренер

Грчкиот стручњак Василис Спанулис официјално го напушти Монако, потврди клубот од Кнежевството.

Спанулис ги пропушти последните два натпревари од националното првенство, што беше повеќе од јасен показател дека крајот е близу.

Набрзо пристигна потврдата од клубот за разделбата на двете страни, од генералниот менаџер Олексеј Јефимов.

Како и играчите, на Спанулис му доцнеше платата во втората година од неговиот тригодишен договор.

Василис Спанулис освои два трофеи со Монако оваа сезона – Суперкупот и Лидерс купот.

Гркот тимот го напушти во тежок момент, со седум порази во последните осум натпревари во Евролигата. Моментално имаат скор од 16-14.

Нов тренер ќе биде неговиот помошник и поранешен кошаркар кого Саша Обрадовиќ го донесе во тренерскиот штаб во 2021 година, Сергиј Гладир.

Украинецот е поранешен играч на Монако и долгогодишен член на клубот од 2015 година.

Го водеше тимот во последните два натпревари, против Шоле во првенството (89:79) и во вторник вечерта во Нантер (88:83), каде што Монако, и покрај бројните повреди и отсуства, се квалификуваше за финалето на Купот на Франција.

Foto/ depositphotos