Портпарол на иранската војска: Еј Трамп, отпуштен си

Воениот портпарол на Иран, Ебрахим Золфагари, му испрати порака на американскиот претседател Доналд Трамп.

„Еј Трамп, отпуштен си. Позната ти е таа реченица. Благодарам за вниманието“, рече Золфагари на англиски јазик.

Золфагари е портпарол на Централниот штаб на Хатам ал-Анби, заедничката воена команда на Иран задолжена за координирање на операциите меѓу Корпусот на Исламската револуционерна гарда и редовните вооружени сили.

Фразата на која алудираше Золфагари, „Отпуштен си“, е слоганот на американскиот претседател од времето кога беше водител на реалното шоу „The Apprentice“ на NBC. Во таа емисија, натпреварувачите се бореа за бизнис можност и работа во една од компаниите на Трамп.

Трамп беше водител и лице на емисијата, а стана особено препознатлив по фразата „Отпуштен си“, која ја користеше за да ги отфрли кандидатите. Емисијата беше многу популарна со години и многу придонесе за неговото јавно признавање надвор од деловниот свет.

Претседателот често ја користи фразата „Ви благодарам за вниманието“ за да ги заврши објавите на неговата платформа Truth Social.

Текстот Портпарол на иранската војска: Еј Трамп, отпуштен си е превземен од МАКФАКС.