Во шестата деценија, таа сè уште го има светот под нозете: Познатата убавица строго се придржува до овој режим

Прославената актерка Кетрин Зета-Џонс (56) привлекува внимание на секој чекор, па затоа не е изненадувачки што нејзините објави на социјалните мрежи, како и другите појавувања, секогаш ги следат нејзините најлојални обожаватели.

Според „Дејли меил“, Кетрин споделила детали од својот секојдневен живот, а по пат ги открила и малите тајни што ги следи и кои ѝ помагаат да ја одржи својата фигура.

Кетрин обично избира здрава исхрана во текот на неделата за да се чувствува најдобро, додека за време на викендите си дозволува малку повеќе уживање во храната. Секое утро, без исклучок, таа станува рано за да ужива во „супер тивка куќа“ и го подготвува утринското кафе.

Откако ќе го прошета кучето, таа си прави хранлив појадок, кој зависи од сезоната. Во текот на зимата, актерката ужива во чинија овесна каша со кафеав шеќер, банани и боровинки.

Од пролет до лето, таа го менува со лесен, нискокалоричен јогурт од ванила, прелиен со боровинки и малини.

„Обично не појадувам пред 8 часот наутро, обожавам појадок. Јас сум личност која јаде три оброци дневно, но имам многу специфични потреби кога станува збор за појадок, а сè е поврзано со летното сметање на времето“, изјави таа за Harper’s BAZAAR.

Кога доаѓа викендот, Кетрин се опушта и отстапува од својата строга здрава исхрана, одлучувајќи се за обилен англиски појадок и француски тост – рецепт на Марта Стјуарт.

„Како семејство, правиме вистински британски појадок – купувам увезена британска сланина, колбаси, печен грав и кајгана. А за американскиот дел од моето семејство, мојот сопруг и двете деца, правиме француски тост со канадски јаворов сируп.“

За ручек, таа сака да седи со својот сопруг, Мајкл Даглас, и со кој било друг кој е дома во тоа време.

„Ние сме големи обожаватели на семејните оброци. Не знам дали е поради мојата европска страна. Кога децата се тука, или членовите на семејството или некој во нашето домаќинство, застануваме и седнуваме заедно да ручаме“, рече Кетрин.

За ручек, таа се одлучува за лесен оброк кој се состои од салата со пилешко на скара, риба или модар патлиџан. Зборувајќи за нивната вообичаена вечерна рутина, таа рече: „Мајкл и јас обично вечераме пред 20 часот. Не сакаме да јадеме доцна навечер, но кога сме во Европа, целиот наш ритам се префрла на европско време, па вечераме подоцна, но потоа си легнуваме и стануваме подоцна.“