Временска прогноза: Сончев старт, нестабилен финиш: попладне дожд и можни грмежи низ Македонија

Денес во Македонија времето ќе биде сончево со мала до умерена облачност, но попладне ќе има промена на временската слика. На повеќе места ќе има услови за повремен локален дожд, а не се исклучува и изолирана појава на ретки грмежи.

Ќе дува слаб до умерен ветер, претежно од јужен правец, кој на моменти ќе придонесе за променливо чувство во текот на денот. Утрото ќе биде свежо, со температури од околу 2 до 8 степени, додека дневните ќе се искачат од 17 до 25 степени.

Во Скопје времето ќе биде сончево со мала до умерена облачност. Ќе дува слаб променлив ветер, а дневната температура ќе достигне околу 21 степен.

Иако денот ќе започне пријатно и сончево, попладне времето може да изненади со локален дожд, затоа е добро да се има чадор при рака.