(ВИДЕО) Монако во знакот на љубовта: Хамилтон конечно откри колку му значи Ким Кардашијан

Седумкратниот светски шампион во Формула 1, Луис Хамилтон, за првпат јавно проговори за својата врска со ријалити ѕвездата и бизнисменка Ким Кардашијан, ставајќи крај на долгите шпекулации кои со месеци ја следат двојката.

Повод за емотивното признание беше неговиот успех на Големата награда на Монако, каде што возачот на Ферари го освои второто место и уште еднаш се искачи на подиумот во текот на сезоната.

По завршувањето на трката, Хамилтон не ја криеше благодарноста кон луѓето кои стојат зад него, а посебно место во неговото обраќање доби токму Ким Кардашијан.

„Не знам што друго да кажам. Неверојатно е да имаш добри луѓе околу себе кои те поддржуваат. И таа го прави тоа за мене секој ден“, изјави Хамилтон пред медиумите.

Настанот доби дополнителна доза романтика кога камерите го уловија британскиот возач како од подиумот испраќа бакнеж кон Ким Кардашијан, која трката ја следеше од балконот над гаражата на Ферари заедно со својата сестра Клое Кардашијан.

Ова беше прво појавување на Ким на трка од Формула 1 откако во јавноста почнаа да кружат информации дека таа и Хамилтон се во љубовна врска. Иако досега избегнуваа да зборуваат за својот приватен живот, двајцата во изминатиот период неколкупати беа забележани заедно на јавни настани.

Медиумите претходно објавија дека двојката била видена на музичкиот фестивал Коачела, како и на неколку приватни патувања, што дополнително ги засили гласините за нивната романса.

Успехот во Монако воедно беше второ последователно второ место за Хамилтон оваа сезона. Победата на трката му припадна на Кими Антонели, додека британскиот ас уште еднаш потврди дека останува сериозен конкурент во шампионатот.

Со својата изјава во Монако, Хамилтон за првпат јавно покажа колку важна улога има Ким Кардашијан во неговиот живот, а фотографиите од нивните емотивни моменти веднаш станаа една од најкоментираните теми во светските медиуми.

ВИДЕОТО ПОГЛЕДНЕТЕ ГО ТУКА